سەبارەت بە سووریا دوو کۆبوونەوە لە ئوردن دەکرێت

ئاڤا نیوز

 

سەبارەت بە دۆخی سووریا بڕیارە سبەی شەممە کۆبوونەوەی وڵاتانی عەرەبی و نێودەوڵەتی لە ئوردن دەستپێبکات و عێراقیش بەشدارە.

 

وێنە گەورەکە: لەسەر ڕاسپاردەی ئوردن بڕیارە سبەی شەممە 14-12-2024، وەزیرانی دەرەوەی  ئوردن، سعوودیه، عێراق، لوبنان، میسر، ئیمارات، بەحرەین، قەتەر و ئەمینداری گشتی کۆمکاری وڵاتانی عەرەبی لە شاری عەقەبەی ئوردن کۆبوونەوەیەک سەبارەت بەدۆخی سووریا ئەنجام بدەن.

 

ڕاگه‌یێنراوی فه‌رمی: وەزارەتی دەرەوەی ئوردن ڕایگەیاند: پاش کۆبوونەوەی نێوان وەزیرانی دەرەوەی وڵاتانی عەرەبی، کۆبوونەوەیەکی دیکە لەگەڵ وەزیرانی دەرەوەی تورکیا و ئەمریکا و نوێنەری باڵای یەکێتی ئەوروپا بۆ سیاسەتی دەرەوە و نوێنەری نەتەوە یەکگرتووەکان بۆ سوریا دەکرێت.

 

زانیاریی زیاتر: لە هەردوو کۆبوونەوەکەدا تاوتوێی پێشهاتەکانی سووریا لە دوای ڕوخانی دەسەڵاتی بەشار ئەسەد دەکرێت.