ئێران بە مەرج باڵیۆزخانەکەی لە دیمەشق دەکاتەوە

ئاڤا نیوز

بەهۆی ئاڵۆزییەکانی ئەم دواییەی سووریا و کۆنترۆڵکردنی دیمەشق لەلایەن هێزەکانی ئۆپۆزیسیۆن، ئێران باڵیۆزخانەکەی لەو وڵاتە داخست، دوای تێپەڕبوونی چەند ڕۆژێک بەسەر ڕووداوەکان ئامادەیە بە مەرج باڵیۆزخانەکەی بکاتەوە.

 

ڕاگەیێنراوی فەرمی: ئیسماعیل بەقائی، وتەبێژی وەزارەتی دەرەوەی ئێران لەبارەی کردنەوەی باڵیۆزخانەی ئێران لە سووریا ڕایگەیاند: "کردنەوەی باڵیۆزخانەکە پێویستی بە ئامادەکارییە و چەند مەرجێکمان هەن، کە سەرەکیترینیان دەستەبەرکردنی ئاسایش و سەلامەتیی کارمەندەکانمانە".

 

لەلایەکی دیکەوە: وەزارەتی دەرەوەی ئێران، حوسێن ئەکبەری باڵیۆزی ئێران لە سووریای ڕاسپاردووە کە لە نزیکەوە چاودێریی دۆخی سووریا بکات بە ئامانجی پاراستنی بەرژەوەندییەکانی ئێران بە گشتی.

 

ئەمەش بزانە: وڵاتانی عەرەبی و یەکێتیی ئەوروپاش لە ئامادەکاریدان بۆ کردنەوەی باڵیۆزخانەکانیان لە دیمەش و دەستپێکردنەوەی چالاکییە دیپلۆماسییەکانیان لەگەڵ سەرکردایەتیی نوێی سووریا، کە ئەحمەد شەرع سەرۆکایەتیی دەکات.