ئێران داوای پاراستنی باڵیۆزخانەکەی لە سووریا دەکات

ئاڤا نیوز

 

سەرۆککۆماری ئێران داوای پاراستنی باڵیۆزخانەکەیان لە سووریا دەکات و دەڵێت، ئەو گرووپانەی کۆنترۆڵی دیمەشقیان کردووە بەرپرسیارن لە پاراستنی.

 

وێنە گەورەکە: ڕۆژی چوارشەممە 18-12-2024، مەسعود پزشکیان، سەرۆککۆماری ئێران بەشداری لە کۆبوونەوەی گرووپی D8 کرد کە لە قاهیرەی پایتەختی میسر دەربارەی گۆڕانکارییەکانی ڕۆژهەڵاتی ناوەڕاست بەڕێوەچوو، بە تایبەت کە گفتوگۆ لەبارەی دۆخی سووریا و غەززە کرا.

 

لێدوانی فەرمی پزشکیان لە کۆبوونەوەی D8 گوتی:

- دەبێت موڵک و ماڵی ئێران، واتە "باڵیۆزخانەکەمان"  لە سووریا پارێزراو بێت، هەر ڕووداوێکیش دژی ئێمە لە سووریا ڕووبدات لە چاوی ئەو گرووپانەی دەزانم کە دیمەشقیان کۆنترۆڵ کردووە.

- راگرتنی تاوانەکەنی ئیسرائیل دەبێت گرنگترین کاری لە پێشینەی وڵاتانی ئیسلامی و ناوچەکە و ئەندامانی D8 بێت.

- دەبێت بێ دواکەوتن مامەڵە لەگەڵ "دەستدرێژییە" بەربڵاوەکانی ئیسرائیل بکرێت.

- ئێمە دەمانەوێت ژینگەیەکی سەلامەت لە لوبنان و سووریا درووستبکەین و خەڵک بگەڕێنینەوە بۆ ژیانی ئاسایی خۆیان.

- پێویستە ڕێز لە بیروباوەڕی هەمەچەشنی گەلی سووریا بگیرێت و پێکەوە بژین.

 

ئەوەی پێویستە بیزانیت: گرووپی D8  بە بەشداری وڵاتانی ئێران، تورکیا، میسر، ئیندونیزیا، مالیزیا، بەنگەلادیش و پاکستان لە قاهیرە بەڕێوچوو.