وەزیری دەرەوەی تورکیا لەگەڵ ئەحمەد شەرع کۆبووەوە

ئاڤا نیوز 

 

هاکان فیدان، وەزیری دەرەوەی تورکیا بە سەردانێکی فەرمی گەیشتە دیمەشق و لەگەڵ ئەحمەد شەرع، سەرۆکی کاتی ئیدارەی نوێی سووریا کۆبووەوە، بڕیار وایە لە داوی هاکان فیدان، ڕەجەب تەیب ئەردۆغان، سەرۆککۆماری تورکیا سەردانی دیمەشق بکات.

 

وێنە گەورەکە: لە 8ـی دیسێمبەر چەکدارانی دەستەی تەحریرولشام و گرووپە چەکدارەکانی ئۆپۆزیسیۆنی سووریا توانیان کۆتایی بە دەسەڵاتی بنەماڵەی ئەسەد بهێنن، دوای کەوتنی دەسەڵاتی بەشار ئەسەد، ئەحمەد شەرع حکومەتێکی ڕاگوزەری پێکهێنا. 

 

زانیاریی بەدەستهاتوو: ئەمڕۆ یەکشەممە هاکان فیدان، وەزیری دەرەوەی تورکیا گەیشتە دیمەشقی پایتەختی سووریا و لەکۆشكی گەل لەگەڵ ئەحمەد شەرع کۆبوویەوە. 

 

زانیاریی زیاتر: هەریەکە لە نوح یەلماز، بریکاری وەزیری دەرەوەی تورکیا و بورهان کۆرۆئۆغلۆ، بەرپرسی کاتی باڵیۆزخانەی دیمەشق لە تورکیا، حەسەن شەیبان کە وەک وەزیری دەرەوەی حکومەتی کاتی سووریا دەستنیشان کراوە، بەشداربوون لە کۆبوونەوەکە.

 

ئەوەی پێویستە بیزانیت: بڕیار وایە ڕەجب تەیب ئەردۆغان، سەرۆککۆماری تورکیا دوای فیدان سەردانی دیمەشق بکات.