ئەردۆغان سەردانی دیمەشق دەکات

ئاڤا نیوز

دوای سەردانەکەی هاکان فیدان، وەزیری دەرەوەی تورکیا بۆ دیمەشقی پایتەختی سووریا، بەگوێرەی زانیارییەکان ڕەجەب تەیب ئەردۆغانیش سەردانی ئەو وڵاتە دەکات.

 

وێنە گەورەکە: لە 8ـی دیسمبەر چەکدارانی دەستەی تەحریرولشام و گرووپە چەکدارەکانی ئۆپۆزیسیۆنی سووریا توانیان کۆتایی بە دەسەڵاتی بنەماڵەی ئەسەد بهێنن، ترافیکی شاندی دیبلۆماسی وڵاتان ڕوو لە سووریایە و دەستە دەستە لەگەڵ ئەحمەد شەرع، سەرۆکی ئیدارەی نوێی ئەو وڵاتە کۆدەبنەوە. 

 
زانیاریی بەدەستهاتوو: فاتیح پۆرتاکال، ڕۆژنامەنووس سەبارەت بە وادەی سەردانی سەرۆککۆماری تورکیا ڕایگەیاند، ''ڕۆژی هەینی 27ـی  کانوونی یەکەمی 2024 بە ئەگەرێکی زۆرەوە ڕەجەب تەیب ئەردۆغان، نوێژی هەینی لە مزگەوتی ئەمەوی دەکات". 

 

لەلایەکی دیکەوە: ڕۆژنامەی 'حوریەت'ـی تورکی پێشبینی دەکات، ''سەرۆککۆماری تورکیا بە سەرۆکایەتیی شاندێکی گەورەی وەزاری کە بازرگانان و وەبەرهێنەران لەخۆدەگرێت، لەماوەی 15 ڕۆژی داهاتوودا سەردانی سووریا بکات''

 

ئەوەی لەبارەیەوە دەگوترێت: بە گوێرەیی ئەو زانیارییانەی کە بڵاوکراونەتەوە، ئامادەکاریی تەواو بۆ سەردانەکە کراوە و ئاسایشی ئەو ڕێڕەوەی کە ئەردۆغان پێیدا تێدەپەڕێت دابین کراوە.