ئێران فیلتەری سەر هەندێ لە پلاتفۆرمەکانی سۆشیاڵ میدیا هەڵدەگرێت

ئاڤا نیوز

 

ئەنجوومەنی باڵای سایبرسپەیسی ئێران بە زۆرینەی دەنگی ئەندامانی بڕیاری دا فیلتەری سەر هەندێ لە پلاتفۆرمەکانی سۆشیاڵ میدیای وەک "واتساپ و گووگل پلەی" هەڵگرێت.

 

لێدوانی فەرمی: مەحموود واعزی، بەڕێوەبەری نووسینگەی سەرۆکۆماری ئێران رایگەیاند: "هەنگاوی یەکەممان بۆ جێبەجێکردنی بەڵێنەکانی حکوومەت بۆ نەهێشتنی فیلتەری سەر سۆشیاڵ میدیا گرتەبەر و لەمەوداو خەڵک دەتوانن بۆ کاروبای زانستی و بازرگانی و کاسبی بەکاریان بێنن".

 

ئەوەی پێویستە بیزانیت: حکوومەتی ئێران هەمیشە لە کاتی خۆپیشاندان و ناڕەزایەتییەکانی ناوخۆیی، پلاتفۆرمەکانی سۆشیاڵ میدیای  فیلتەر کردووە و هاووڵاتیانی ئەم وڵاتە بە ناچاری  و تێچوونێکی زۆرەوە ڕوویان لە بەکارهێنانی فیلتەرشکێن بۆ کردنەوەی پلاتفۆرمەکانی سۆشیاڵ میدیا کردووە.

 

ئەمەش بزانە: کۆماری ئیسلامیی ئیران بە هۆی سنووردارکردنی ئینتەرنێت رووبەڕووی ڕەخنەی وڵاتانی رۆژئاوا و نەتەوە یەکگرتووەکان و چالاکوانانی سڤیل و سیاسی لە ناوخۆ بووەتەوە.

 

باکگراوند: حکوومەتی ئێران لە کاتی ناڕەزایەتییەکانی 2009، لە سەردەمی سەرۆکایەتیی ئەحمەدی نەژاد تۆڕەکانی سۆشیاڵ میدیا لە وانە فەیسبووک و ئێکس و یوتیوبی فیلتەر کرد و تا ئێستاش بەردەوامە.