ساڵ بە ساڵ لەدایکبوونی منداڵ لە هەولێر کەمتر دەبێتەوە

 

ئاڤا نیوز 

 

 

بەپێی داتای نەخۆشخانەی ئافرەتان و لە دایکبوونی هەولێر لەسەرەتای ساڵەوە تاوەکو ئەمڕۆ نزیکەی 17 هەزار منداڵ لەدایکبوون بەراورد بەساڵی 2023 ڕێژەکەی کەمترە.

 

وێنە گەورەکە: لە 01-01-2024 تاوەکو 25-12-2024، لە نەخۆشخانەی ئافرەتان و لە دایکبوونی هەولێر 16 هەزار و 716 منداڵ لەدایکبوون و لە %36ـیان لەدایکبوونیان بەشێوازی سرووشتی بووە، بەپێی داتاکانیش ڕەگەزی نێر 474 منداڵی زیاترە لە ڕەگەزی مێ.

 

لێدوانی فەرمی: شوان تەحسین، بەڕێوەبەری کارگێڕی نەخۆشخانەی ئافرەتان و لە دایکبوونی هەولێر بە ئاڤا میدیای ڕاگەیاند، "بەراورد بە ساڵی 2023 دوو هەزار و 346 منداڵ کەمتر لەدایکبوون، ساڵی ڕابردوو 19 هەزار و 62 منداڵ لە نەخۆشخانەکە لەدایکبوون، کە ئەمیشیان بەراورد بە ساڵی 2022 کەمترە و لەو ساڵەدا زیاتر لە 20 هەزار منداڵ لەدایکبوون".

 

 

ژمارەکان وادەڵێن: بەگوێرەی داتای نەخۆشخانەی ئافرەتان و لە دایکبوونی هەولێر ئەمساڵ تاوەکو ئێستا 16 هەزار و 716 منداڵ لەدایکبوون کە بەم شێوەیە پۆلێن بوون:-

منداڵبوون بە سرووشتی: 10،595

منداڵبوون بە نەشتەرگەری: 6،121

ڕەگەزی نێر: 8،595

ڕەگەزی مێ: 8،121

منداڵی دووانە: 454

منداڵی سیانە: 21