دوو پەرلەمانتار ناوەڕۆکی کۆبوونەوەی دەم پارتی لەگەڵ ئۆجەلان بۆ ئاڤا ئاشکرا دەکەن

ئاڤا نیوز

 

دوای زیاتر لە 10 ساڵ، ئەمڕۆ شاندێکی دەم پارتی سەردانی زیندانی ئیمرالییان کرد و  لەگەڵ عەبدوڵڵا ئۆجەلان کۆبوونەوە.

 

وێنە گەورەکە: کۆبوونەوەی شاندی دەم پارتی لەگەڵ عەبدوڵڵا ئۆجەلان لە زیندانی ئیمرالی دوای لێدوانی بەرپرسانی باڵای تورکیا دێت بۆ دەستپێکردنەوەی پرۆسەیەکی نوێی ئاشتی لە تورکیا و باکووری کوردستان.

 

لێدوانی فەرمی: عومەر فاروق گارگەرلیئۆغلو، پەرلەمانتاری دەم پارتی بە ئاڤا میدیای ڕاگەیاند: ئەنجامی کۆبوونەوەکە کاریگەری لەسەر دۆخی باکووری کوردستان و ڕۆژئاوای کوردستان دەبێت.

لەلایەکی دیکەوە: محەمەد کەماچ، پەرلەمانتاری دەم پارتی بە ئاڤا میدیای وتووە: "لە کۆبوونەوەکەدا قسە لەسەر چۆنییەتی بەڕێوەبردن و بڕیاردان لەسەر پرسی ئاشتەوایی کورد و تورک کراوە".

ئەو پەرلەمانتارەی دەم پارتی دەڵێت: دەتوانرێت باوەڕ بە پەکەکە بهێنرێت کە لەسەر بڕیاری ئۆجەلان چەک دابنێت، بەڵام لە بەرامبەر ئەوەدا کورد داوای مافی دەستووری و نەتەوەیی خۆی لە تورکیا دەکات.