سەرۆکوەزیران مەسرور بارزانی لەبارەی سەری ساڵەوە پەیامێک ئاراستەی مووچەخۆران دەکات

ئاڤا نیوز

 

بەبۆنەی هاتنی سەری ساڵی نوێ، سەرۆکوەزیران مەسرور بارزانی پەیامێکی پیرۆزبایی ئاراستەی هاونیشتمانییان دەکات.

 

ڕاگەیێنراوی فەرمی: سەرۆکوەزیران مەسرور بارزانی لە پەیامەکەیدا دەڵێت، هیوای شادی و خۆشگوزەرانی و ساڵێکی پڕ لە ئارامی بۆ هەمووان دەخوازم، هەروەها سوپاسی خۆڕاگری و پشوودرێژی خەڵکی نیشتمانپەروەر و ستەملێکراوی هەرێمی کوردستان دەکەم، بەداخەوە بەهۆی کێشە دروستکردن و نەناردنی شایستە داراییەکانی مووچەخۆران لەلایەن حکومەتی فیدراڵەوە، مووچەخۆران ساڵێکی دارایی سەختیان بەڕێکرد.

 
زانیاریی زیاتر: سەرۆکوەزیران مەسرور بارزانی لە پەیامەکەیدا بەهۆنەی ساڵی نوێ دووپاتیدەکاتەوە، هەرێمی کوردستان هەموو ئەرکەکانی بەرامبەر بەغدا جێبەجێ کردووە، بۆیە پێویستە ئەم کێشەیە لە ساڵی داهاتوودا بەشێوەیەکی بنەڕەتی چارەسەر بکرێت.

 
بەتەنیشت ئەم بابەتەوە: سەرۆکوەزیران مەسرور بارزانی، ئومێدەوارە بە زووترین کات گفتوگۆی لایەنە سیاسییەکانی هەرێمی کوردستان بە ئەنجام بگات و لەسەر پێکهێنانی کابینەی نوێ ڕێکبکەون، تاوەکو حکومەتێکی یەکگرتوو و بەهێز و سەرتاسەری دورست بکرێت، کە بە بێ جیاوازی لە ئاستی ئەرک و ئاڵانگارییەکانی ئێستا و داهاتووبێت و خزمەتی سەرجەم پێکهاتەکانی هەررێمی کوردستان بکات.