وەزارەتی بەرگریی و ژمارەیەک پێگەی حووسییەکانی یەمەن بۆردوومان کران

ئاڤا نیوز

 

ئەمڕۆ سێشەممە وەزارەتی بەرگریی و ژمارەیەک پێگەی حووسییەکانی یەمەن لە سەنعای  پایتەختی ئەو وڵاتە بۆردوومانکران، میدیای نزیک لە حوسییەکانیش دەڵێت، ئەمریکا هێرشەکانی ئەنجام داوە.

 

وێنە گەورەکە: ئەمریکا و ئیسرائیل، حووسییەکانی یەمەن کە ئێران پشتیوانییان دەکات بە دروستکردنی هەڕەشە بۆسەر کەشتییە بازرگانییەکان و ئاسایشی ئیسرائیل تۆمەتبار دەکەن، بەم دواییانەش حووسییەکان هێرشە مووشەکییەکانیان بۆسەر ئیسرائیل چڕکردووەتەوە.

 

ڕاگەیێنراوی فەرمی: میدیای نزیک لە حووسییەکان بڵاویکردەوە، فڕۆکە جەنگییەکانی ئەمریکا 12 پێگەیان لە سەنعای پایتەختی یەمەن بۆردوومانکرد، 10هێرشیان بۆسەر کۆمەڵگەی 22ـی ئایاری سەر بە "بەڕێوەبەرایەتی شۆڕش" بوون و دوو هێرشی دیکەش کراونەتەسەر کۆمەڵگەی وەزارەتی بەرگریی.

 

بۆچوونی لایەنی بەرامبەر: لای خۆیەوە بەرپرسێکی ئەمریکی بە کەناڵی عەرەبییەی سعودیەی ڕاگەیاندووە، بۆردوومانەکانی ئەمریکا پێگەی حوسییەکانی لە سەنعای پایتەختی یەمەن کردووەتە ئامانج.