ناتانیاهۆ: لە قۆناغی گۆڕانکاریی بنەڕەتیداین لە ڕۆژهەڵاتی ناوەڕاستدا

ئاڤا نیوز
 

بنیامین ناتانیاهۆ، سەرۆکوەزیرانی ئیسرائیل ڕایگەیاند، ڕۆژهەڵاتی ناوەڕاست ''قۆناغێکی گۆڕانکاری بنەڕەتی'' بەخۆیەوە دەبینێت.

 

وێنە گەورەکە: ڕۆژی 6-1-2025، ئیسرائیل جارێکی دیکە هەڕەشەی گۆڕانکاری سەرەکی و بنەڕەتی لە ڕۆژهەڵاتی ناوەڕاست دا، ئامادەیی خۆی نیشاندا بۆ هەر هێرشێکی دیکەی چاوەڕوانکراو لە داهاتوودا بۆ سەر خاکی ئێران.

 

لێدوانی فەرمی: بنیامین ناتانیاهۆ، سەرۆکوەزیرانی ئیسرائیل ڕایگەیاند: ''دەزانین کە ئێران گەورەترین هەڕەشەیە بۆ سەر ئێمە، جا چ ڕاستەوخۆ بێت یان لە ڕێگەی هاوبەشەکانی لە ڕۆژهەڵاتی ناوەڕاست، بۆیە ناوچەکە پێویستی بە گۆڕانکاری ڕاستەقینە هەیە''.

- گورزێکی بەهێزمان لە ئێران دا و بەڵام بێگومان هێشتا بوونی هەیە و مەترسییە بۆ سەر سەقامگیری.

 

لەلایەکی دیکەوە: سەرچاوەیەکی نزیک لە ئیسرائیل بە سکای نیوزی عەرەبی گوت، ''ئیسرائیل ساڵانێکی زۆرە خۆی بۆ ئەگەری ڕووبەڕووبوونەوە لەگەل ئێران ئامادە دەکات و هەواڵگرییەکی بەهێزمان هەیە و سەلماندوویانە کە توانایان هەیە''.