فەرەنسا: یەکێتیی ئەوروپا ڕێگەنادات ئەمریکا ببێتە هەڕەشە بۆ سنوورەکانی

ئاڤا نیوز 

 

ژان نۆئێل بارۆت وەزیری دەرەوەی فەرەنسا هۆشداری دایە دۆناڵد ترەمپ لەسەر ویستەکانی بۆ داگیرکردنی گرینلاند، دوای ئەوەی سەرۆکی هەڵبژێردراوی ئەمریکا هەنگاوی وڵاتەکەی بۆ کۆنترۆڵکردنی گرینلاندی وڵاتی دانیمارکی ئاشکرا کرد.

 

وێنە گەورەکە: دۆناڵد ترەمپ چەند جارێک جەختی لەوەکردووەتەوە کە دەست بەسەر هەرێمی گرینلاند لە دانیمارک دەگرێت و دەیکاتە بەشێک لە ئەمریکا.

 

لێدوانی فەرمی: ژان نۆئێل بارۆت وەزیری دەرەوەی فەرەنسا لە وەڵامی لێدوانەکانی دۆناڵد ترەمپ سەبارەت بە گرینلاند ڕایگەیاند:

-    یەکێتی ئەوروپا ڕێگە بە گەلانی دیکە نادات هێرش بکەنە سەر سەروەری سنوورەکانیان.
-    باوەڕی نەدەکرد ئەمریکا ئەو دوورگە فراوانەی جەمسەری باکوور داگیر بکات کە زیاتر لە 600 ساڵە بەشێکە لە دانیمارک.
-    یەکێتی ئەوروپا نابێت ڕێگە بدات لەڕادەبەدەر نیگەران بێت، بەڵکو دەبێت بەئاگا بێتەوە و بەهێزبێت.

 

باکگراوند: لە دوایین لێدوانیدا دۆناڵد ترەمپ سەرۆکی هەڵبژێردراوی ئەمریکا ڕایگەیاند، بۆ دەستگرتن بەسەر گرینلاند هێز بەکارناهێنن بەڵام دووپاتیکردەوە کە دەیانەوێت هەرێمی گرینلاند لە ژێر هەژموونی ئەمریکادا بێت.