بلینکن: ئەمریکا لە هەوڵدایە تورکیا ئۆپەراسیۆن لە دژی هەسەدە نەکات

ئاڤا نیوز

 

وەزیری دەرەوەی ئەمریکا جەخت لەوە دەکاتەوە، واشنتن لەگەڵ ئەنقەرە لە هەوڵدایە کە تورکیا هێرش نەکاتە سەر ڕۆژئاوای کوردستان. ئەوە لە کاتێکدایە کە دوێنی هاکان فیدان، وەزیری دەرەوەی تورکیا هەڕەشەی جووڵاندنی هێزی کرد لە دژی هەسەدە.

 

وێنە گەورەکە: ڕۆژی چوارشه‌ممه‌، 08-01-2025، ئه‌نتۆنی بلینكن، وه‌زیری ده‌ره‌وه‌ی ئه‌مه‌ریكا له‌ پاریس ڕایگه‌یاند: واشنتن له‌گه‌ڵ توركیا له‌ په‌یوه‌ندیدایه‌ بۆ ئه‌وه‌ی ئه‌و وڵاته‌ ئۆپه‌راسیۆنی سه‌ربازی بۆ سه‌ر كورد له‌ سووریا نه‌كات."

 

بۆچی گرنگە: ئەم قسانەی بلینکن لە وەڵامی لێدوانەکەی دوێنێی هاکان فیدان، وەزیری دەرەوەی تورکیایە کە گوتبووی: "ئەگەر دۆخەکە درێژە بکێشێت هێز دەجووڵێنین و ئۆپەراسیۆنی سەربازی دژی هەسەدە دەکەین".  

 

لێدوانی فەرمی: بلینکن لە کۆنگرەیەکی ڕۆژنامەوانیدا لە پاریس ڕایگەیاند: 

- تورکیا "نیگەرانی ڕەوای" هەیە سەبارەت بە چەکدارانی پەکەکە لە ناوخۆی سووریا

- ئەم پرۆسەیە کاتێکی زۆری دەوێت، لە هەمان کاتدا دروست بوونی ململانێ و ئەوەی خەریکە ڕوودەدات لە بەرژەوەندی هەموولایەک نییە، ئێمە بە سەختی کاردەکەین بۆ ئەوەی ئەمە ڕوونەدات.

- پێشبینی دەکەم ئیدارەی داهاتووی دۆناڵد ترەمپیش ئیرادەیەکی بەهێز نیشان بدات بۆ دڵنیابوون لەوەی کە داعش"جارێکی دیکە دروست نەبێتەوە.