شازادەی جێنشینی سعودییە بە کاریگەرترین کەسایەتی عەرەب هەڵدەبژێردرێت

ئاڤا نیوز

شازادە محەممەد بن سەلمان، شازادەی جێنشینی سعودییە، کە هاوکات سەرۆکی ئەنجوومەنی وەزیرانی ئەو وڵاتەشە، وەک 'کاریگەرترین کەسایەتی ڕێبەرایەتیی عەرەبی بۆ ساڵی 2024' هەڵبژێردرا. 

چیرۆکی سەرەکی: هەڵبژاردنەکە لەلایەن دامەزراوەی میدیایی ئاڕ تی (RT)  عەرەبی ئەنجام دراوە و بە گوێرەی ئەنجامەکانی ڕاپرسییەکە بن، شازادە محەممەد بن سەلمان لە کۆی 31 هەزار و 166 دەنگ توانیویەتی 16 هەزار و 998 دەنگ، کە دەکاتە 54.54٪ـی دەنگەکان، بە دەست بهێنێت.

زانیاریی زیاتر: دامەزراوەکە ساڵانە ئەم ڕاپرسییە ئەنجام دەدات و ئەمە چوارەم ساڵی یەک لە دوای یەکە کە بن سەلمان ئەم نازناوە بەدەست دێنێت.