سبەی کۆبوونەوەیەکی چارەنووسساز لە هەولێر دەکرێت

ئاڤا نیوز

لە بەرامبەر پابەندنەبوونی حکومەتی عێراق بە بڕیاری دادگای فیدراڵی و یاسای بودجە و ڕێککەوتنەکان بۆ ناردنی مووچە، حکومەتی هەرێمی کوردستان بیر لە هەڵوێستی تووند دەکاتەوە.

ڕاگەیێنراوی فەرمی: پێشەوا هەورامانی، وتەبێژی حکومەتی هەرێمی کوردستان ڕایگەیاند: کۆبوونەوەیەکی نائاسایی لە ئەنجوومەنی وەزیرانی هەرێمی کوردستان بە سەرپەرشتیی سەرۆکوەزیران مەسرور بارزانی لە هەولێر بەڕێوە دەچێت، کە تایبەتە بە پرسی مووچە و شایستە داراییەکانی هەرێمی کوردستان لە حکومەتی فیدراڵ.

 

ئەوەی پێویستە بیزانیت: نوێنەرانی هەرێمی کوردستان لە حکومەتی فیدراڵی و سەرۆکی فراکسیۆنە کوردستانییەکانی سەرجەم لایەنەکان لە کۆبوونەوەکە بەشدار دەبن.

زانیاریی زیاتر: پێشتر وتەبێژی حکومەتی هەرێمی کوردستان ڕایگەیاندبوو، له‌ ساڵی‌ نوێدا نابێت به‌مجۆره‌ مامه‌ڵه‌ له‌گه‌ڵ‌ فه‌رمانبه‌رانی‌ هه‌رێمی کوردستان بكرێت و مامەڵەی بەرپرسانی بەغدا بەمجۆرە بەردەوام بێت، کشانەوە لە بەغدا ئەگەرێکی بەهێزە.