قەتەر ڕێککەوتنی نێوان حەماس و ئیسرائیلی ڕاگەیاند

ئاڤا نیوز

 

سەرۆکوەزیرانی قەتەر بەفەرمی ڕێککەوتنی نێوان حەماس و ئیسرائیلی بۆ ڕاگرتنی شەڕ لە کەرتی غەززە و ئازادکردنی دیلەکانی ئیسرائیل ڕاگەیاند.

لێدوانی فەرمی: محەممەد بن عەبدولرەحمان ئالسانی، سەرۆکوەزیرانی قەتەر لە کۆنگرەیەکی ڕۆژنامەوانیدا ڕایگەیاند, ڕۆژی یەکشەممە 19-1-2025 شەڕ دەوەستێت و ئاگربەست دەکەوێتە بواری جێبەجێکردن:

٠ سوپاسی ئەمریكا و میسڕ دەكەین بەرامبەر كۆششی بەردەوامیان بۆ  گەیشتن بە ڕێككەوتنی ئاگربەست لە غەززە.

٠ ئەمشەو خاڵەكانی جێبەجێكردنی ڕێككەوتنەكە ئامادە دەكرێن و لە ڕۆژی یەكشەممە 19-1-2025 دەچێتە بواری جێبەجێكردنەوە.

٠ بە هاوبەشی لەگەڵ میسر و ئەمریكا كار دەكەن بۆ زامنكردنی جێبەجێكردنی ناوەڕۆكی ڕێككەوتنەكە.

٠داوا دەكەین لایەنەكان بە کرداری پابەندی ڕێككەوتنی ئاگربەست بن.

باکگراوند: بەگوێرەی دوایین ئامارەکانی تەندروستیی غەززە، لە سەرەتای شەڕ و پێکدادانەکانەوە لە 7-10- 2023، 46 هەزار و 707 فەڵەستینی کوژراون و 110 هەزار و 265 کەسی دیکەش بریندار بوون.  هەزار و 538 هاووڵاتی ئیسرائیلی و بیانی کوژران، لەو ژمارەیە 286 ئەفسەر و سەرباز و 764 مەدەنی بوون، 248 کەسیش بە دیل گیران. بەپێی دوایین ئامارەکانیش ژمارەی سەربازە کوژراوەکانی ئیسرائیل گەیشتووەتە 835 سەرباز.