پەرلەمانی عێراق دەنگ لەسەر پڕۆژەیاسای بودجە دەدات

ئاڤا نیوز

 

هەفتەی داهاتوو پەرلەمانی عێراق کۆدەبێتەوە و  بۆ دەنگدان لەسەر پێنج پرۆژە یاسا و خوێندنەوەی یەکەمیش بۆ سێ پرۆژەیاسای دیکە دەکات، دیارترینیان دەنگدان دەبێت لەسەر هەمواری یاسای بودجە و دەستپێکردنەوەی هەناردەی نەوتی هەرێمی کوردستان.

بۆچی گرنگە: بەگوێرەی هەمواری یاسای بودجە، تێچووی بەرهەمهێنان و گواستنەوەی نەوتی کوردستان لە 6 دۆلارەوە بۆ 16 دۆلار زیاد دەکرێت، لەسەر ئەو بنەمایەش بڕیارە هەناردەی نەوتی هەرێمی کوردستان ڕاستەوخۆ دەستپێبکاتەوە.

ڕاگەیێنراوی فەرمی: پەرلەمانی عێراق کارنامەی دانیشتنی ڕۆژی یەکشەممە 19-1-2025ـی بڵاوکردووەتەوە، دیارترین بڕگەکانی کۆبوونەوەکەش بریتین لە:

 

یەکەم: دەنگدان لەسەر پڕۆژەیاسای دەزگای هەواڵگریی نیشتیمانیی
دووەم: دەنگدان لەسەر هەمواری پرۆژەیاسای بودجە
سێیەم: دەنگدان لەسەر هەمواری چوارەمی یاسای وەبەرهێنان
چوارەم: دەنگدان لەسەر پێشنیازە یاسای سەندیکای پرۆگرامسازانی عێراق
پێنجەم: دەنگدان لەسەر پێشنیازە یاسای هەمواری یەکەمی بنەماکانی هاوتاکردنی بڕوانامە و پلەی زانستی
شەشەم:خوێندنەوەی یەکەم بۆ پرۆژەیاسای ڕێکخستنی کرێی خزمەتگوزارییەکان
حەوتەم: خوێندنەوەی یەکەم بۆ پێشنیازەیاسای هەمواری یەکەمی دەستە گشتییەکان بۆ چاودێری تەرخانکراوەکانی داهاتەکانی فیدراڵی.
هەشتەم: خوێندنەوەی یەکەم بۆ پێشنیازەیاسای پاراستنی مافی کەمینەکان.