پسوولەی خۆراكی هەولێر: داوا لە هاووڵاتییان دەکەین سەردانمان نەکەن

ئاڤا نیوز

پڕۆسەی بە ئەلیکترۆنی فۆڕمی خۆراک لە قۆناغی جێبەجێکردندایە لە باشووری عێراق سەرکەوتوو بووە، بڕیارە لە هەموو عێراق بکەوێتە بواری جێبەجێکردن.

چیرۆکی سەرەکی: چەند ڕۆژێکە هەواڵی مامەڵەی زیادکردنی منداڵ و گواستنەوەی پسوولەی خۆراک لەبریکارێک بۆ بریکارێکی تر، مامەڵەی هاوسەرگیری بۆ دروستکردنی پسوولەی خۆراکی نوێ، بۆتە بابەتی سۆشیاڵ میدیا و چەند کەناڵێکی ڕاگەیاندن، ئاڤا بەدواداچوونی بۆ ئەم بابەتە کرد، دەرکەوت ئەم هەواڵە دوورە لە ڕاستیەوە.

زانیاریی بەدەستهاتوو: بڕیار بوو لەمانگی یەکی ئەم ساڵ شاندی وەزارەتی بازرگانی عێراق سەردانی هەرێمی کوردستان بکەن بۆ ئەوەی ئەپلیکەیشنەکە کارا بکرێت و کار لەسەر زیادکردنی منداڵ بکرێت، بەڵام بەهۆی هەندێک ڕێکاری تەکنیکی و دارایی تائێستا شاندەکە نەهاتووە، پرۆسەکە جێبەجێ نەکراوە.

ڕاگەیێنراوی فەرمی: بەڕێوەبەرایەتی ڕێکخستنی پسوولەی خۆراكی هەولێر، لە ڕاگەیێنراوێکدا، دەڵێت: ڕۆژانە هاووڵاتیەکی زۆر سەردانمان دەکەن و پەیوەندیمان پێوە دەکەن، کەچی مامەڵەکانیان ڕایی ناکرێت، هەرکاتێک وەزارەتی بازرگانی عێڕاق بڕیاری کردنەوەی سەرجەم مامەڵەکانی دا ، ئێمەش هاووڵاتیان ئاگاداریان دەکەینەوە.