دوای 11 ساڵ تەرمی سەربازێکی ئیسرائیلی ڕادەست دەکرێتەوە

ئاڤا نیوز

 

ڕۆژی یەکشەممە دوای دەستپێکردنی ئاگربەستی غەززە، ئیسرائیل ڕایگەیاند، تەرمی سەربازێکی دوای 11 ساڵ ڕادەستی خانەوادەکەی دەکرێتەوە.

 

وێنە گەورەکە: ڕۆژی 19-1-2025، دوای 15 مانگ لە شەڕ و بۆردومانی سوپای ئیسرائیل بۆ سەر کەرتی غەززە و کوژرانی هەزاران خەڵکی سڤیل ڕێککەوتنی ئاگربەست لە نێوان ئیسرائیل و حەماس چووە بواری جێبەجێکردنەوە، سوپای ئیسرائیل تەرمی سەربازێکی دوای 11 ساڵ دەدۆزێتەوە.

 

ڕاگەیێنراوی فەرمی: سوپای ئیسرائیل لە بەیاننامەیەکدا ڕایگەیاند: تەرمی ئۆرۆن شائۆل، سەربازی سوپای ئیسرائیلمان دۆزیەوە کە لە ئۆپەراسیۆنێکدا لە کەرتی غەززە لە ساڵی 2014 دەستبەسەر کرابوو.

 

ئەمەش بزانە: لە ئەنجامی دروستبوونی شەڕێک لەنێوان ئیسرائیل و حەماس لە ساڵی 2014، تەرمی دوو سەربازی ئیسرائیلی لەلایەن چەکدارانی حەماسەوە دەستی بەسەرداگیرابوو، لەگەڵ چوونە بواری جێبەجێکردنی قۆناغی یەکەم تەرمی شاول ڕادەست دەکرێتەوە.