ئیسرائیل: ڕێککەوتی ئاگربەستی غەززە جێبەجێ دەکرێت

ئاڤا نیوز

 

نووسینگەی سەرۆکوەزیرانی ئیسرائیل جێبەجێکردنی ڕێکەوتنی ئاگربەستی غەززەی دووپاتکردەوە، ئەمەش دوای ئەوەی بەهۆی ڕادەستنەکردنی لیستی ناوی بارمتەکان لەلایەن حەماسەوە بۆ چەند کاتژمێرێک دواکەوت.

 

وێنە گەورەکە: بڕیار بوو ئەمڕۆ یەکشەممە کاتژمێر 8:30  ڕێککەوتنی ئاگربەستی غەززە و ئازادکردنی دیلەکان لەنێوان ئیسرائیل و حەماس جێبەجێ بکرێت، بەڵام ئیسرائیل بەبیانوی ڕادەستنەکردنی لیستی ناوی ئەو بارمتانەی کە بڕیارە ئەمڕۆ ئازاد بکرێن، ڕەتیکردەوە ڕێککەوتنە جێبەجێ بکات و  بۆردوومانی چەند ناوچەیەکی لە غەززە کرد و بەو هۆیەوە سێ فەلەستینی کوژران.

 

ڕاگەیێنراوی فەرمی: نووسینگەی بنیامین نەتەنیاهۆ، سەرۆکوەزیرانی ئیسرائیل بڵاویکردەوە، "دوای ڕادەستکردنی لیستی ناوی بارمتەکان کە بڕیارە ئەمڕۆ ئازاد بکرێن، ڕێککەوتی ئاگربەستی غەززە چووە بواری جێبەجێکردنەوە.

 
باکگراوند: ڕۆژی چوارشەممە 15ـی 1ـی 2025، دوای 15 مانگ لە شەڕ و کوژرانی زیاتر لە 46 هەزار کەس، ڕێککەوتنی ئاگربەست و ئازادکردنی دیلەکان بە نێوەندگیریی ئەمریکا و میسر و قەتەر لەنێوان حەماس و ئیسرائیل ڕاگەیێنرا. بڕیار بوو ئەمڕۆ یەکشەممە کاتژمێر 8:30  بە کاتی ناوخۆیی غەززە ڕێککەوتنەکە بچێتە جێبەجێکردنەوە.