سەرۆکی پێشووی ئەنەکەسە: گەلی کورد نزیکە لە بەدیهێنانی ئاواتەکانی

ئاڤا نیوز

دکتۆر بورهان غلیون، بیرمەندی سووری و سەرۆکی پێشووی ئەنجوومەنی نیشتیمانی سووریا ڕایدەگەیێنێت، ئەمڕۆ هەلومەرج لەبارە بۆ کورد کە لێرەو لەوێ بگات بە دەسەڵاتێکی ئۆتۆنۆمی وەک قۆناغی یەکەم لەسەر ڕێگەی گەیشتن بە یەکخستنەوەی خاکی کوردان لە ئایندەدا. ئاماژە بۆ ئەوەش دەکات ئەمەش پشت دەبەستێت بە بارودۆخ و هۆشیاریی دەستەبژێرانی ئێستا و ئایندەی کورد و لەو بڕوایە دایە گەلی کورد لەسەر ڕاستە ڕێی بەدیهێنانی ئاواتەکانیێتی و هیوا خوازە ئەو ڕێگەیە دوورو درێژ نەبێت.

چیرۆکی سەرەکی: لە یەکەمین ئەڵقەی بەرنامەی: (لەگەڵ دکتۆر بەهات) بیرمەندی سووری دکتۆر بورهان غلیون، تیشکی خستە سەر چەند بابەتێکی فیکری و نەتەوەیی و سیاسی و پرس و ڕۆڵی کورد لە سووریا لە ڕابردوودا و داهاتووی ئەو وڵاتە.

لێدوانی فەرمی: بە گوتەی غلیون کورد لە سووریا گرووپێکی دابڕاوو نەبینراوو کەس نەزان نیین کە گۆشەگیری ناوچەیەکی دیاریکراو بن، بەڵکو ڕۆڵێکی گەورەیان گێڕاوە لە داڕشتنی مێژووی هاوچەرخی سووریادا. 

 

- لەبارەی ئەزموونێکی حوکمڕانی (خۆسەر)یشدا دەڵێت: "بڕوام وابووە کە پێویستە کورد جێگەو پێگەی خۆی لە نەخشەی ئایندەی سووریادا بەدەستبهێنێت. بەڵام پێم گوتن پێویست بوو، باشتر وابوو کە لەڕێی هەڵبژاردنەوە ئیدارەیەکی دیموکراسی پیادەبکەن نەک حوکمی تاکە حیزبی، چونکە گەلانی سووریا بە کورد و عەرەبییەوە، چییتر ئەزموونی تاک حیزبییان پێ قەبوول ناکرێ و بەرگەی ناگرن.

 

- ئیدارەی تاک حیزبی لە سووریادا ئەزموونێکی بەئازاربووە و بینیمان سەرەنجام بەچی گەیشت، تاک حیزب دەست لە حوکم هەڵناگرێ تا ئەو کاتەی وڵات بە وێرانکردن دەگەێنێت. 

 

- نوێنەرایەتییەک بەبێ هیچ هەڵبژاردنێکی دیموکراسی و بەبێ فرە حیزبی و بەبێ هەبوونی ئازادی، بە بڕوای من ئەمە دوو خاڵی گرنگن کە بوونەتە گرێ لە باکووری سووریادا.

 

- بێتوانایی ئیدارەی خۆسەر لە یەکخستنی ڕیزەکانی ناوماڵی کورددا، لەتوانایاندا نییە تێگەیشتنێکی ڕاستەقینە لە نێوان دەستەبژێری کوردی سووریادا بهێننە ئاراوە.

 

- پێویستە ئیدارەی خۆسەر دیموکراتیزە بکرێت، بەو واتایەی کە ئیدارەیەکی هەڵبژێردراو بێت و هەموو دەسەڵاتەکان لەلای تاکە حیزبێک نەبێت.