وەزیری دەرەوەی ئەمریکا سوپاسی قەتەر دەکات

 

ئاڤا نیوز

دوای ڕاگەیاندن و جێبەجێکردنی ئاگربەست لە غەززە، وەزیری دەرەوەی ئەمریکا سوپاسی قەتەر دەکات بۆ ڕۆڵە گرنگەکەی لە بەدەستهێنانی ڕێککەوتنەکە.

وێنە گەورەکە: لە درێژایی 15 مانگی شەڕی غەززە، قەتەر یەکێک بوو لە نێوەندگیرەکانی ڕێککەوتنی ئاگربەست، لە ڕۆژی 15-1-2025  سەرۆکوەزیرانی قەتەر بەفەرمی ڕێککەوتنی نێوان حەماس و ئیسرائیلی بۆ ڕاگرتنی شەڕ لە کەرتی غەززە و ئازادکردنی دیلەکانی ئیسرائیل ڕاگەیاند.

ڕاگەیێنراوی فەرمی: لە بەیاننامەیەکی وەزارەتی دەرەوەی ئەمریکادا هاتووە، ئەنتۆنی بلینکن وەزیری دەرەوەی ئەمریکا سوپاسی شێخ محەمەد بن عەبدولڕەحمان ئالسانی سەرۆکوەزیرانی قەتەر دەکات بەتایبەت بۆ ڕۆڵە گرنگەکەی لە هەوڵەکانی نێوەندگیری ئاگربەستی غەززە، هیوای خواست کە هەوڵەکان بۆ بوونیادنانی ئاشتییەکی هەمیشەیی لە ناوچەکەدا بەردەوام بێت.

زانیاریی زیاتر: قۆناغی یەکەمی ئاگربەست لە 19-1-2025 کەوتە بواری جێبەجێکردنەوە و بەپێی ڕێککەوتنی ئاگربەست، لە قۆناغی یەکەم کە شەش رۆژ دەخایەنێت 33 بارمتەی ئیسرائیل کە لە هێرشەکەی 7ی ئۆکتۆبەری 2023 حەماس بەدیل گیران، ئازاد دەکرێن.