150  عومرەکاری هەرێمی کوردستان لە سعوودیە گیرییان خواردووە

ئاڤا نیوز

ماوەی دوو ڕۆژە 150 عومرەکاری هەرێمی کوردستان، بەهۆی نەبوونی فڕۆکەوە لە سعوودیە گیرییان خواردووە.

بۆچی گرنگە: بەشێك لەو عومرەكارانە بەتەمەنن و بەمانەوەیان لە چاوەڕوانییدا كێشە بۆ تەندروستییان دروست دەبێت.

لێدوانی فەرمی: پەیمان نادر، یەکێک لەو عومرەکارانەی کە لە مەدینە گیرییان خواردووە بە ئاڤا نیوزی گوت: دەبوو ڕۆژی 28-2-2024، دوای بەجێگەیاندنی عومرە بگەڕاینایەتەوە بۆ هەرێمی کوردستان، بەڵام ماوەی دوو ڕۆژە بەهۆی نەبوونی فڕۆکەوە نەمانتوانیوە بگەرێینەوە.

ئەوەی پێویستە بیزانیت: بە عومرەکاران گوتراوە کێ ئارەزوو دەکات دەتوانێت بە پاس بگەرێتەوە، ئێستا زیاتر لە 150 عومرەکار ماونەتەوە و چاوەڕێی فڕۆکە دەکەن بۆ ئەوەی بگەرێنەوە بۆ هەرێمی کوردستان.