مەسرور بارزانی پەیامێک ئاراستەی وەزیری نوێی دەرەوەی ئەمەریکا دەکات

ئاڤا نیوز

 

مەسرور بارزانی، سەرۆکوەزیرانی کوردستان لە داڤۆسی سویسراوە پەیامی پیرۆزبایی ئاراستەی مارکۆ رۆبیۆ کرد، بەبۆنەی دەستنیشانکردنی وەکو وەزیری نوێی دەرەوەی ئەمەریکا.

 

وێنە گەورەکە: ئێواری ڕۆژی دووشەممە بەکاتی هەرێمی کوردستان لە مەراسیمێکی تایبەتدا دۆناڵد ترەمپ، وەک 47 ەمین سەرۆکی ئەمریکا دەستبەکار بوو و مارکۆ رۆبیۆیش وەکو وەزیری نوێی دەرەوەی ئەمەریکا دەستبەکاربوو. 

 

ڕاگەیێنراوی فەرمی: ئەمڕۆ سێشەممە، مەسرور بارزانی، سەرۆکی حکومەتی هەرێمی کوردستان لە تۆڕی کۆمەڵایەتیی ئێکس، پیرۆزبایی لە مارکۆ رۆبیۆ کرد، بەبۆنەی دەستبەکاربوونی وەکوو وەزیری نوێی دەرەوەی ئەمەریکا. 

 

سەرۆک وەزیران مەسرور بارزانی بۆ وەزیری نوێی دەرەوەی ئەمەریکا نووسیویەتی: "بەوپەڕی خۆشحاڵییەوە چاوەڕێی ئەوەم کە پێکەوە کاربکەین بۆ بەرەوپێشبردنی ئاشتی و سەقامگیری لە ناوچەکە و پێشخستنی هاوبەشی ستراتیژیی کوردستان و ئەمەریکا."

 

ئەوەی پێویستە بیزانیت: ئەمریکا پەیوەندییەکی بەهێزی لەگەڵ هەرێمی کوردستان هەیە و گەورەترین کونسوڵخانەی لە شاری هەولێر هەیە. لە چوارچێوەی سەرکردایەتیکردنی هێزەکانی هاوپەیمانانیش سەدان سەرباز و ڕاوێژکاری لە کوردستان هەیە، مانگانەش ملیۆنان دۆلار وەکو هاوکاری پێشکەشی هێزەکانی پێشمەرگە دەکات.