ئیدارەی خۆسەر داوای پشتیوانی خێرای نێودەوڵەتی بۆ بەنداوی تشرین دەکات

ئاڤا نیوز

بەهۆی هێرشی بەردەوامی گرووپە چەکدارەکانی نزیک لە تورکیا بۆسەر بەنداوی تشرین، ئیدارەی خۆسەر داوادەکات هێزێکی نێودەوڵەتی لە بەنداوەکە جێگیربکرێت.

ڕاگەیێندراوی فەرمی: ئیدارەی خۆسەر لە ڕاگەیێنراوێکدا داوای پشتیوانی خێرای نێودەوڵەتی دەکات بۆ بەنداوی تشرین و چەند خاڵێک دەخاتەڕوو بەم شێوەیە:

یەکەم: ئامانجی هێرشی تورکیا و گرووپە چەکدارەکان لەناو بردنی بەنداوی تشرینە

 

دووەم: هێرشە بەردەوامەکانی تورکیا و گرووپە چەکدارەکان قەیرانی سووریا قوڵتر دەکەنەوە

سێیەم: هێرشەکان کۆمەڵگەی سووریا زیاتر پارچە دەکەن و رێگرن لە پێکەوەژیانی گەلی سووریا

چوارەم: داوا لە گەلانی سوریا بەهەموو پێکهاتەکانەوە دەکەن دژی هێرشەکانی سەر بەنداوی تشرین بوەستنەوە

پێنجەم: بۆ ئەوەی کارەساتی لەوە گەورەتر ڕوونەدات، دەبێت کۆمەڵگەی نێودەوڵەتی هێزێک لە بەنداوەکە جێگیربکات

ئەوەی ئێستا ڕوو دەدات: سەرەڕای ناردنی هاووڵاتیان وەک قەڵغانی مرۆیی بۆ پاراستنی بەنداوی تشرین، بەڵام تورکیا و گرووپە چەکارەکانی نزیک لەو وڵاتە، لە هێرشەکانی خۆیان بۆسەر بەنداوەکە بەردەوامن و بەهۆیەوە تائێستا دەیان هاووڵاتی مەدەنی کوژراون و برینداربوونە.