بەنداوی تشرین بۆردوومان کرا و زیاتر لە 40 کوژراو و بریندار هەیە

ئاڤا نیوز

بەهۆی بۆردوومانێک بۆ سەر بەنداوی تشرین لە ڕۆژئاوای کوردستان، پێنج هاووڵاتی مەدەنی کوژران و نزیکەی 40 کەسیش بریندارن.

چیرۆکی سەرەکی: بەهۆی بەردەوامی هێرشی گرووپە چەکدارەکانی نزیک لە تورکیا بۆ سەر بەنداوی تشرین، خەڵکی ڕۆژئاوای کوردستان پشتێنەی مرۆییان لەسەر بەنداوەکە دروست کردووە و مانگرتنیان ڕاگەیاندووە، 13 جاریش گردبوونەوەی خەڵک و کاروانی ئۆتۆمبێلەکانیان بۆردوومان کراون، لە پێنج بۆردوومانیش خەڵکی مەدەنی کوژراوە. 

زانیاریی سەرەتایی: پاشنیوەڕۆی ئەمڕۆ سێشەممە، بەنداوی تشرین کە لەژێر دەسەڵاتی هێزەکانی هەسەدەدایە، جارێکی دیکە بۆردوومان کرا، شایەتحاڵێک لە شوێنی ڕووداوەکە بە ئاڤا نیوزی ڕاگەیاند، بۆردوومانەکە بە دوو درۆن کراوە، هەر درۆنێکیش دوو مووشەکی ئاراستە کردوون. 

زیانە سەرەکییەکان: بەهۆی بۆردوومانەکەوە پێنج کەس گیانیان لەدەست داوە و نزیکەی 40 کەسیش بریندارن، چوار لە بریندارەکانیش ڕۆژنامەنووسن. 

ئەوەی لەبارەوە دەگوترێت: چالاکوان و میدیاکانی هەسەدە تورکیا بە بۆردوومانەکە تۆمەتبار دەکەن. 

 

نوێ دەکرێتەوە...