سزای لە سێدارەدانی پەخشان عەزیزی دواخرا

ئاڤا نیوز

بەهۆی ناڕەزایەتییەکان لە ڕۆژهەلاتی کوردستان، کۆماری ئیسلامی ئێران سزای لەسێدارەدانی پەخشان عەزیزی و وەریشە مورادی دواخست.

چیرۆکی سەرەکی: دوای ناڕەزایی بەربڵاوی نێوخۆیی و نێودەوڵەتی، هاوکات لەگەڵ مانگرتنی گشتیی خەڵکی ڕۆژهەڵاتی کوردستان لە دژایەتیکردنی حوکمی لەسێدارەدانی پەخشان عەزیزی و وریشە مورادی ئەمڕۆ بڕیارەکە بۆ کاتێکی نادیار دواخرا.

ڕاگەیێنراوی فەرمی: ئاژانسی تەسنیمی سەر بە سوپای پاسداران بە پشتبەستن بە سەرچاوەکانی ئەنجوومەنی ئاسایشی نیشتمانیی ئێران ڕایگەیاند: جێبەجێکردنی حوکمی لەسێدارەدانی پەخشان عەزیزی دواخراوە، بەڵام گۆڕانکاری لە بڕیارەکەدا نەکراوە.

زانیاری زیاتر: مانگرتووەکانی ڕۆژهەڵاتی کوردستان جەختیان کردەوە لەوەی، دەبێت ئەم ناڕەزایەتییانە بەردەوام بن، داوای هەڵوەشاندنەوەی تەواوەتیی سزای لەسێدارەدانی پەخشان عەزیزی و زیندانیانی سیاسی و ناسیاسیی دیکە دەکەن.

باکگراوند: وتەبێژی نووسینگەی مافی مرۆڤ لە نەتەوە یەکگرتووەکان ڕایگەیاند, لە ساڵی ڕابردوو ئێران زۆرترین سزای لە سێدارەدانی جێبەجێکردووە، بەڕادەیەک گەیشتووەتە 901 کەس و زۆربەی ئەوانەی سزای سێدارەدانیان بەسەردا جێبەجێکراوە ئەوانەن کە بە بەکارهێنانی ماددە هۆشبەر, هۆکاری سیاسی, ئەو کەسانەی کە بەشدارییان لە ناڕەزایەتییەکانی ساڵی 2022 کردووە تۆمەتبار کراون.