دادگەی کارگێڕیی عێراق سکاڵای لایەنە ناڕازییەکانی کەرکووکی ڕەتکردەوە

ئاڤا نیوز

 

دادگەی کارگێڕیی عێراق سەرجەم سکاڵاکانی بەرەی تورکمانی و هاوپەیمانیی عەرەبی سەبارەت بە پێکهێنانی حکومەتی خۆجێی کەرکووک ڕەتکردەوە.

 

وێنە گەورەکە: ڕۆژی 10-08-2024، یەکێتی و کوتلەی بابلیۆن و سێ ئەندامی عەرەبی لە ئەنجوومەنی پارێزگای کەرکووک، کۆبوونەوەیەکیان لە هۆتێل ڕەشید ڕێکخست و حکومەتی خۆجێی کەرکووکیان پێکهێنا، بەڵام پارتی و بەرەی تورکمانی و هاوپەیمانیی عەرەبی به‌شداریی كۆبوونه‌وه‌كه‌یان نەكرد و سکاڵایان لە دادگای باڵای فیدراڵی و دادگەی کارگێری تۆمارکرد.

 

زانیاریی بەدەستهاتوو: دادگەی كارگێڕیی عێراق دوو سکاڵای بەرەی تورکمانی عێراق و ڕاکان جبووری، بەتەمەنترین ئەندامی ئەنجوومەنی کەرکووکی لە دژی پێکهێنانی حکومەتی خۆجێی کەرکووک ڕەتکردەوە و شەرعیەتی بە ئیدارەی نوێی پارێزگای کەرکووک دا.

 

ئەوەی پێویستە بیزانیت: ڕۆژی 24-12-2024 دادگەی كارگێڕیی عێراق سکاڵای هەریەکە لە فراکسیۆنی پارتی و سەلوا مەفرەجی، ئەندامی هاوپەیمانی عەرەبی لە ئەنجوومەنی پارێزگای کەرکووکی دژی ڕێکارەکانی پێکهێنانی حکومەتی خۆجێی پارێزگاکە ڕەتکردەوە.