كێشەی پڕۆژەی ئاوی ئیفراز دووی هەولێر چارەسەرکرا

ئاڤا نیوز

 

دوای لەکارکەوتنی پڕۆژەی ئاوی ئیفراز دوو لە شاری هەولێر، کێشەی ئەو پڕۆژەیە چارەسەرکرا و ئێستا ئاو دەگاتە ئەو ماڵانەی کە بەهۆی لەکارکەوتنی ئیفراز دووەوە بێ ئاو بوون. 

 

چیرۆكی سەرەكییەکە: ڕۆژی هەینی 16-2-2024، هەورەبرووسكە لە پڕۆژەی ئاوی ئیفراز دووی هەولێری دا، بەهۆیەوە بەشی كارەبای پڕۆژەكە لەكاركەوت، بەڕێوەبەری گشتیی ئاو و ئاوەڕۆی هەرێمی كوردستان دەڵێت پڕۆژەکە چاککرایەوە و ئیستا هیچ کێشەی نییە.

 

لێدوانی فەرمی: ئاری ئەحمەد، بەڕێوەبەری گشتیی ئاو و ئاوەڕۆی هەرێمی كوردستان بە ئاڤا نیوزی ڕاگەیاند: "تیمەکانی بەرێوەبەرایەتی پارێزگای هەولێر بە هەماهەنگی لەگەڵ چاکردنەوەی ئاو و ئاوەرۆی پارێزگای هەولێر ماوەی 10 ڕۆژ زیاترە خەریکی چاککردنەوەی پڕۆژەکەن و کێشەکەیان چارەسەرکرد. 

 

زانیاری زیاتر: ئێستا 75%ـی پڕۆژەی ئاوی ئیفراز دوو کاردەکات و لە چەند رۆژی داهاتوودا بەتەواوەتی پڕۆژەکە دەکەوێتەوە کار.