ئەمریکا زانیاری هەواڵگریی لەگەڵ ئیدارەی نوێی سووریا ئاڵوگۆڕ دەکات

ئاڤا نیوز

سەبارەت بە مەترسیەکانی داعش بۆ سەر ناوچەکە، ڕۆژنامەی واشنتن پۆست ئاشکرایکرد، ئەمریکا زانیاری هەواڵگریی نهێنی لەگەڵ ئیدارەی نوێی سووریا ئاڵوگۆڕ کردووە.

وێنە گەورەکە: سەرەڕای ڕاگەیاندنی شکستپێهێنانی داعش لە عێراق و سووریا، بەڵام ئێستا لەدوای کۆتاییهاتنی دەسەڵاتی بەشار ئەسەد وڵاتانی ڕۆژئاوا و ئەمریکا ترسیان لە دووبارە سەر‌هەڵدانەوەی ئەو گرووپە هەیە.

لێدوانی فەرمی: ڕۆژنامەکە لە زاری بەرپرسانی باڵای ئەمەریکا بڵاویکردەوە:

- سەرەتای ئەم مانگە دەزگای هەواڵگریی ئەمریکا هۆشداری داوە بە ئیدارەی نوێی سووریا لە پیلانێکی داعش بۆ هێرشکردنە سەر مەزارگەیەکی ئایینی لە دەرەوەی دیمەشقی پایتەخت و بەشدارییان کردووە لە پووچەڵکردنەوەی.

- ڕۆژنامەی واشنتن پۆست ئاماژەی بەوەشکرد، کردنەوەی کەناڵەکانی پەیوەندی ئەمریکا لەگەڵ ئیدارەی نوێی سووریا نیگەرانییەکانی واشنتن لە دووبارە سەرهەڵنەدانەوەی داعش لە ناوچەکە دەردەبڕێت.

 
باکگراوند: لە ساڵی 2015 لەدوای داگیرکردنی ڕووبەرێكی فراوانی خاکی سووریا لە لایەن داعشەوە، ئەمریکا نزیکەی دوو هەزار سەربازی ڕەوانەی ئەو وڵاتە کرد بۆ کەمکردنەوەی هەڕەشەکانی ئەو گرووپە.