مارەیی کچانی ئێزدی کەمکرایەوە

ئاڤا نیوز

لەپێناو ئاسانکردنی پرۆسەی هاوسەرگیری و بەرزی نرخی زێڕ، ئەنجومەنی رۆحانی کوردانی ئێزدی مارەیی کچانی لەکاتی هاوسەرگیریکردن بۆ 40 گرام (هەشت) مسقاڵ زێڕ کەمکردەوە.

وێنە گەورەکە: چەند مانگێکە نرخی زێڕ ڕۆژ لەدوای ڕۆژ بەرزدەبێتەوە و ئێستا لە بەرزترین ئاستیەتی لە مێژوودا، لە بازاڕەکانی کوردستان مسقاڵێک زێڕی عەیار 21 بە نزیکەی 600 هەزار دینارە، ئەمەش پرۆسەی هاوسەرگیری قورستر کردووە.

ڕاگەیێنراوی فەرمی: ئەمڕۆ شەممە 25ـی 1ـی 2025، ئەنجومەنی رۆحانی کوردانی ئێزدی ڕاگەیەندراوێکی بڵاوکردەوە و دەڵێت: بەهۆی بەرزبوونەوەی نرخی زێڕ لە کۆبوونەوەی ئەمڕۆی ئەنجومەنەکەدا میری ئێزدیان بڕیاریداوە مارەیی کچان کەمبکاتەوە.

زانیاریی زیاتر: بەپێی بڕیارەکە، مارەیی کچانی ئێزدی لە ناوەوە و دەرەوەی وڵات لە 75 گرامەوە بۆ 40 گرام زێڕ کەمکرایەوە.

ئەمەش بزانە: پێنج گرام زێڕ مسقاڵێکە، ئەگەر مارەیی بۆ 40 گرام زێڕی عەیار 21 کەم بکرێتەوە، ئەوا دەکاتە هەشت مسقاڵ.