سویسرا ئێران بە گیانلەدەستدانی هاووڵاتییەکی لە زیندانەکانیدا تۆمەتبار دەکات

ئاڤا نیوز

هاووڵاتییەکی سویسری لە نێو زیندانێکی پارێزگای سمنانی ئێران کۆتایی بە ژیانی خۆی هێنا، بەڵام سویسرا ڕەتی دەکاتەوە و دەڵێت، بەهۆی ئەشکەنجەدانەوە بووە.

وێنە گەورەکە: پاش ئەوەی لە زیندانێکی پارێزگای سمنانی ئێران، هاووڵاتییەکی وڵاتی سویسرا کە بە تۆمەتی سیخوڕی دەستگیر کرابوو، بەیانی ڕۆژی پێنجشەممەی 09-01-2025 سەرۆکی دادوەریی پارێزگای سمنان ئاشکرای کرد کە لە شوێنی دەستگیرکردنەکەی خۆی ئەو هاووڵاتییە سویسرییە کۆتایی بە ژیانی هێناوە.

ڕاگەیێنراوی فەرمی: داواکاری گشتی فیدراڵی سویسرا ڕایگەیاند:

- لێکۆڵینەوە لە مردنی ئەو هاووڵاتییەمان دەکەین کە لە زیندانی سمنان لە ئێران گیانیلەدەستداوە.

- بەپێی یاسای سزادانی ئەو وڵاتە نیشانەی مردنی نائاسایی و بەتایبەتی تاوان لە کەیسەکەدا بەدی دەکرێت.

زانیاری زیاتر: بەگوێرەی ڕاپۆرتی میدیاکانی سویسرا تەرمی ئەو هاووڵاتییە سویسرییە لە ئێرانەوە گەڕێنرایەوە بۆ سویسرا.

لەلایەکی دیکەوە: میدیاکانی سویسرا بڵاویان کردەوە کە دەسەڵاتدارانی ئێران وردەکارییەکانی "شێوازی خۆکوشتن"ـی ئەو پیاوە 64 ساڵەیان خستووەتەڕوو و پێشبینییان کردووە کە لەوانەیە مردنی ئەو هاووڵاتییە لە ئەنجامی "ئەشکەنجەدان لە زیندان" بووبێت.

ئەوەی پێویستە بیزانیت: لە ساڵانی ڕابردوودا، سوپای پاسدارانی کۆماری ئیسلامیی ئێران، دەیان کەسی دوو ڕەگەزنامەیی و بیانییان دەستبەسەر کردووە کە زۆربەیان بە تۆمەتی سیخوڕی و بابەتی ئەمنیی دەستبەسەر کراون.