ئەم مانگە بەهۆی بۆردوومانی تورکیا چوار هاونیشتمانی گیانیان لەدەست داوە

ئاڤا نیوز 

 

ڕێکخراوی CPTـی ئەمریکی ڕایدەگەیێنێت، لە سەرەتای ئەمساڵەوە بەهۆی بۆردوومانی فڕۆکەکانی تورکیا چوار هاونیشتمانی لە سنووری پارێزگای دهۆک گیانیان لەدەست داوە.

 

چیرۆکی سەرەکی: کاتژمێر 11:30ـی پێش نیوەڕۆی ئەمڕۆ، فڕۆکەیەکی بێ فڕۆکەوانی تورکیا، سنووری گوندی "شەهیێ"ـی سنووری ناحیەی دینارتەی لە قەزای ئاکرێ بۆردوومان کرد، دوو هاونیشتمانی کە هاوژینی یەکتر بوون و بۆ کاری کشتوکاڵی لەو ناوە بوون، بەهۆی بۆردوومانەکە گیانیان لەدەست دا.

 

لێدوانی فەرمی: کامەران عوسمان، ئەندامی تیمی کوردستانی عێراقی ڕێکخراوی CPTـی ئەمریکی بە ئاڤا میدیای وت، لەماوەی ئەمساڵدا بەهۆی بۆردوومانی فڕۆکەکانی تورکیا دوو هاونیشتمانی شەهید و دووی دیکەش بریندار بوون، هەر چواریان خەڵکی پارێزگای دهۆک بوون، بەڵام بەگوێرەی ئاماری ڕێکخراوی CPT لە مانگی یەکی ساڵی 1991ـەوە تا ئێستا  720 هاونیشتمانی بەر بۆردوومانەکانی تورکیا کەوتوون، لەو ژمارەیە 353 کەس گیانیان لەدەست داوە و 367 کەسیش بریندار بوون.

 

ئەوەی پێویستە بیزانیت: زیاتر لە 40 ساڵە شەڕی نێوان پەکەکە و تورکیا بەردەوامە، بەهۆی بوونی گەریلاکانی پەکەکە لە ناوچە جیاوازەکانی هەرێمی کوردستان، بیانووی داوەتە تورکیا بەردەوام هێرشیان بکاتە سەر.