سووریا پاسپۆرتی نوێ دەردەکات

ئاڤا نیوز 

 

بەمەبەستی ئاسانکاری بۆ گەشتکردنی هاووڵاتیانی، ئیدارەی نوێی سووریا دەستیکردووە بە دەرهێنانی پاسپۆرتی نوێ. 

 

وێنە گەورەکە: دوای کەوتنی دەسەڵاتی بەشار ئەسەد لە سووریا لە 8-12-2024، هێزەکانی تەحریرولشام دەسەڵاتی وڵاتەکەیان گرتەدەست دەسەڵاتێکی نوێی لە سووریا دامەزراند، وڵاتەکەش هەوڵەکانی خستووەتە گەڕ بۆ ئاساییکردنەوەی ژیان و پەیوەندییەکانی لەگەڵ دەرەوە.

 

لێدوانی فەرمی: وەلید عەرەبی، بەڕێوەبەری بەشی کۆچ و پاسپۆرت لە وەزارەتی ناوخۆی سووریا ڕایگەیاند، بەڕێوەبەرایەتییەکە دەستی کردووە بە دەرکردنی پاسپۆرتی نوێ ئێستا ناو تۆمارکردن تەنیا بۆ پاسپۆرتی خێرا و لە ماوەیەکی کورتدا ناو تۆمارکردن بۆ پاسپۆرتی ئاسایی دەکرێتەوە.

 

 عەرەبی دەشڵێت، ماوەی دەرهێنانی پاسپۆرتەکە لە نێوان ڕۆژێک بۆ 10 ڕۆژە و دەتوانرێت بۆ ماوەی 6 ساڵە بەکاربهێنرێت.