هاوپەیمانان کاروانێکی دیکەی چەک ڕەوانەی حەسەکە دەکەن

ئاڤا نیوز 

 

بە مەبەستی زیاتر پاراستنی بەرژەوەندیی و بنکەیەکى سەربازییەکانی، فڕۆکەیەکى بارهەڵگرى هاوپەیمانیی نێودەوڵەتى لە بنکەى شەدادى لە باشوورى حەسەکە نیشتووەتەوە کە پێداویستیی سەربازی گەیاندووەتە بنکەکە.

 

وێنە گەورەکە: ڕۆژى 26ـ1-2025، ئەمریکا فڕۆکەیەکى دیکەى بارهەڵگر کە پڕ بووە لە کەرەستەى لۆجستى و سەربازیی و چەکى پێشکەوتوو ڕەوانەی بنکەى سەربازیی خەرابەجیر لە باکوورى حەسەکە کرد.

 

ڕاگەیێنراوی فەرمی: ڕوانگەى سوورى لە بارەی ئەمریکا و هاوپەیمانیی نێودەوڵەتی لە سووریا ڕایگەیاند:

 

یەکەم: ڕەوانەکردنی بەردەوامی چەک و کەرەستەی سەربازی بۆ باکوور و رۆژهەڵاتى سووریا.

دووەم: هێزەکانى هاوپەیمانیی نێودەوڵەتی بەردەوامن لە بەهێزکردنى بنکە سەربازییەکانیان.

سێیەم: لەباکوور و رۆژهەڵاتى سووریا 11 بنکەى سەرەکى و چەند بنکەیەکى لاوەکیى ئەمریکا جێگیرکراون.

 

باکگراوند: لە پاش کۆتاییهێنان بە دەسەڵاتى ڕژێمی پێشووى سووریا لە مانگى کانوونى یەکەمى ساڵی ڕابردوو، ئەمریکا و هاوپەیمانان، بەردەوام کەرەستە و کەلوپەلى سەربازیى زیاتر ڕەوانەى بنکە سەربازییەکانیان دکەن.