حەماس: دواکەوتنی هاوکارییە مرۆییەکان کاریگەریی لەسەر ئاڵۆگۆڕی بارمتەکان دەبێت

 

ئاڤا نیوز

بزووتنەوەی حەماس ئیسرائیل بەوە تۆمەتبار دەکات کە هاوکارییە مرۆییەکان دوادەخات و دەشڵێت ئەمە کاریگەری لەسەر شێوازی ئاگربەستە دەبێت.

چیرۆکی سەرەکی: یەکێک لە بنەما سەرەکییەکانی قۆناغی یەکەمی ئاگربەستی غەززە کە 42 ڕۆژ دەخایەنێت لە 2025-1-19 کەوتە بواری جێبەجێکردنەوە، دەستڕاگەیشتنە بە هاوکارییە مرۆییەکان وە بەپێی ڕێککەوتنەکە بڕیار بوو ئەو هاوکارییانە لە هەفتەی یەکەمی ئاگربەستدا بچنە ناو غەززەوە.

ڕاگەیێنراوی فەرمی: بەرپرسێکی باڵای بزووتنەوەی حەماس ڕایگەیاند، هۆشداری دەدەین کە بەردەوامی دواکەوتن و چارەسەر نەکردنی ئەم کێشانە وەک گەیاندنی یارمەتییە سەرەکییەکان کاریگەری لەسەر ڕێککەوتنی  نێوان ئێمە و ئیسرائیل دەبێت بەتایبەت ئاڵۆگۆڕ و ئازادکردنی بارمتەکان. 

 

-حەماس داواش دەکات ناوبژیوانانی ئاگربەستی غەززە ' میسر، قەتەر و ئەمریکا دەستوەردان لەم دۆخەدا بکەن.

ئەمەش بزانە: ئەم هۆشدارییەی حەماس لە کاتێکدایە کە بڕیارە ڕۆژی پێنجشەممە سێ بارمتەی دیکەی ئیسرائیلی ئازاد بکرێن، بەدوای ئەمەشدا سێ بارمتەی دیکە بڕیار وایە ڕۆژی شەممە ئازاد بکرێن