سەرۆكوەزیران مەسرور بارزانی: یەكی شوبات هێرش بوو بۆ سەر هەموو کوردستان

ئاڤا نیوز

 

وێڕای بەشداریكردنی لە ڕێوڕەسمی ساڵیادی شەهیدانی یەكی شوبات لە شاری هەولێر، سەرۆكوەزیران مەسرور بارزانی، پەیامێكیشی سەبارەت بە كارەساتەكە بڵاوكردەوە.

 

بڵاوكراوەی فەرمی: سەرۆكوەزیران مەسرور بارزانی لە لاپەڕەی خۆی لە تۆڕی كۆمەڵایەتیی (X) لە پەیامێكیدا ڕایگەیاند: کارەساتی یەکی شوبات، هێرشێک بوو بۆ سەر هەموو کوردستان، ئەمڕۆ، ڕێز لە شەهیدانی ئەو کارەساتە دەگرین و گرنگیی یەکڕیزی لە ڕووبەڕووبوونەوەی نەهامەتی و ستەمدا دووپات دەکەینەوە.

 

لەلایەكی دیكەوە: كاتژمێر (10:00)ی ئەمڕۆ شەممە 1-2-2025، بە ئامادەبوونی سەرۆكوەزیران مەسرور بارزانی و نوێنەری سەرۆكی هەرێمی كوردستان و كونسوڵی وڵاتان و ژمارەیەك لە بەرپرسانی پارتی و یەكێتی و لایەنە سیاسییەكانی دیكە و كەسوكاری شەهیدان، لە مۆنۆمێنتی شەهیدانی یەكی شوبات لە شاری هەولێر، ڕێوڕەسمی ساڵیادی كارەساتەكە بەڕێوەچوو.

 

باكگراوند: لە 1-2-2004 كە یەکەم رۆژی جەژنی قوربان بوو، لە هەردوو بارەگای لقی دووی پارتی و مەڵبەندی سێی یەکێتی دوو تەقینەوەی خۆکوژی ڕوویاندا، بووە هۆی شەهیدبوونی 103 کەس كە ژمارەیەكیان سەركردە و بەرپرسی هەردوو ئەم دوو حیزبە بوون و 246 کەسی دیکەش برینداربوون.