عەباس عێراقچی: ئەمریکا لە بەرامبەر ئێران شکست دەهێنێت

ئاڤا نیوز

عەباس عێراقچی، وەزیری دەرەوەی ئێران بڕیارەکانی دۆناڵد ترەمپ، سەرۆکی ئەمریکا بۆ توندکردنی سزاکانی سەر ئێران بە ئەزمونێکی شکستخواردوو ناو دەبات.

وێنە گەورەکە: دۆناڵد ترەمپ، سەرۆکی ئەمریکا لە کۆشکی سپی واژۆی لە سەر بڕیاری زیادکردنی سزاکانی بۆ سەر ئێران کرد و داوای کرد توندترین سزا بخرێتە سەر کەرتی وزەی ئەو وڵاتە و ئاستی هەناردەکردنی نەوتی ئێران بۆ سفر داببەزێنرێت.

لێدوانی فەرمی: عەباس عێراقچی، وەزیری دەرەوەی ئێران ڕایگەیاند: بڕیاری جێبەجێکردنی توندترین سزاکان بۆ سەر ئێران ئەزموونێکی شکستخواردووی ئەمریکایە و بەرەو شکستێکی گەورەتر ئاراستەیان دەکات.

لە لایەکی دیکەوە: مەسعود پزیشکیان، سەرۆککۆماری ئێران لە مەراسیمی کردنەوەی پرۆژەی پەرەپێدانی وزە لە وەڵامی ترەمپدا گوتی: تەنها سەرچاوەی داهاتی ئێران نەوت نیە و چەندین سەرچاوەی سروشتی لە ئێران بوونی هەیە بۆ خزمەتکردنی هاوڵاتیان و بەرەوپێشبردنی وڵات.