خامنەیی دانوستان لەگەڵ ئەمریکا ڕەتدەکاتەوە

ئاڤا نیوز

ڕێبەری باڵای ئێران دەڵێت دانوستان لەگەڵ ئەمریکا هیچ کاریگەرییەکی لەسەر چارەسەرکردنی کێشەکانی وڵات نییە.

چیرۆکی سەرەکی: عەلی خامنەیی، ڕێبەری باڵای ئێران بەبۆنەی ڕۆژی جیهانیی هێزی ئاسمانی و بەرگریی ئاسمانی ئێران لەگەڵ ئەفسەران و کارمەندانی سووپادا کۆبووەوە و گوتی دانوستان لەگەڵ ئەمریکا کارێکی ژیرانە نییە، دانوستان لەگەڵ ئەمریکادا هیچ کاریگەرییەکی لەسەر چارەسەرکردنی کێشەکانی وڵات نییە.

لێدوانی فەرمی: ڕێبەری باڵای ئێران لە کۆبوونەوەکە رایگەیاند:

- وا پیشانمان مەدەن کە ئەگەر لەگەڵ ئەو حکومەتە لەسەر مێزی دانوستان دابنیشین، ئەم کێشەیە چارەسەر دەبێت، نەخێر، هیچ کێشەیەک بە دانوستان لەگەڵ ئەمه‌ریکا چارەسەر نابێت، چونكه‌ ئه‌زمونمان هه‌یه‌ له‌گه‌ڵیان.

- لە ساڵانی نەوەدەکاندا نزیکەی دوو ساڵ لەگەڵ ئەمه‌ریکا و چەند وڵاتێک دانوستانمان کرد، پەیماننامەیەک واژۆ کرا، بەڵام ئەمه‌ریکییەکان کاریان لەسەر ئەو پەیماننامەیە نەکرد و کەسی دەسەڵاتداریش پەیمانەکەی دڕاند و کارێکی نەکرد.

لە لایەکی دیکەوە: ڕۆژی سێشەممە 2025-02-04، سەرۆکی ئەمریکا بڕیارێکی دژی ئێران ئیمزا کرد، ئەویش کەمکردنەوەی هەناردەی نەوتی ئێرانە بۆ سفر، هەروەها جەختی لەوە کردەوە کە ئێران چیتر نابێت نەوت بە وڵاتانی دیکە بفرۆشێت.