لە ئیسپانیاوە بە ئەسپ دەچنە حەج

ئاڤا نیوز

 

لە هەرێمی ئەندەلووسی ئیسپانیاوە سێ کەس بە سواری ئەسپەوە بە ڕێگاوەن بۆ ئەوەی بگەنە سعودیە و حەج بکەن، دوای سێ مانگ لە دەستپێکردنی گەشتەکەیان ئێستا گەیشتوونەتە شاری سەرایڤۆی پایتەختی بۆسنە.

 

بۆچی گرنگە: ئەو سێ کەسە مەبەست لەم گەشتەیان ئەوەیە ئەزموونی گەشتی حەج بکەن وەک چۆن موسڵمانانی ئەندەلووس 500 ساڵ لەمەوپێش کردوویانە.

 

زانیاریی زیاتر: سێ کەسەکە لە ماوەی 90 ڕۆژی ڕابردوودا لەسەر  پشتی ئەسپ  زیاتر لە ٨ هەزار کیلۆمەتریان بڕیوە، بە وڵاتانی ئیتاڵیا، سلۆڤینیا، کرواتیادا تێپەڕیون و ئێستا لە بۆسنەن،  ئەبێ هەرزەگۆڤینا، مۆنتینیگرۆ، کۆسۆڤۆ، باکوری مەقدۆنیا، بولگاریا، یۆنان و تورکیاش ببڕن و لەوێشەوە بەرەو سعوددیە بکەونەڕێ.

 

کاریگەری و لێکەوتەکان: وەک خۆیان دەڵێن، لە سنوورەکان کێشەیان بۆ دروست بووە، چونکە تێپەڕاندنی سنوورەکان بە ئەسپ کارێکی سەختە .