نۆرەی دابەشکردنی زەوی گەیشتە خانەنشینان

 

ئاڤا نیوز

لە پرۆسەی دابەشکردنی زەوی نۆرە گەیشتە خانەنشینان و هەفتەی داهاتوو وردبینیکردن لە فۆرمی بەشێکیان تەواو دەبێت.

لێدوانی فەرمی: سەربەست مەولوود، سەرپەرشتیاری تیمی وردبینیکردن لە فۆرمی دابەشکردنی زەویی بە ئاڤای ڕاگەیاند، 18 هەزار و 356 فۆرمی خانەنشینیمان لەبەردەستە وردبینییان بۆ دەکەین،  کە پێکدێت لە خانەنشینانی پێشمەرگەی سلێمانی، خانەنشینی هەولێر یەک و ڕاپەڕین و سۆران و بەشێکی خانەنشینانی چەمچەماڵ و هەڵەبجە و دهۆک.

تا ئێستا نزیکەی 10 هەزار فۆرم ماون بەدەستیان نەگەیشتوون، ئەوانیش فۆرمی پێشمەرگەی خانەنشین و خانەنشینەکانی هەولێر دوون، لەگەڵ بەشێکی خانەنشینانی سنووری دهۆک و هەڵەبجە و چەمچەماڵ.

ئەمەش بزانە: ئێستا قۆناغی دووەمی دابەشکردنی زەوی دەستیپێکردووە و هەر ئەم هەفەتەیە ئەنجوومەنی وەزیران ڕەزامەندی لەسەر فۆرمی 216 هەزار و 262 فەرمانبەر دەربڕی کە فەرمانبەرانی 20 وەزارەت و فەرمانگە بوون.