هەواڵگری ئەمریکا: بەم نزیکانە ئیسرائیل هێرش بۆ سەر ئێران دەکات

 

ئاڤا نیوز

دەزگای هەواڵگری ئەمریکا هۆشداری دەدات لە هێرشێکی بەرفراوانی ئیسرائیل لە ماوەیەکی نزیکدا بۆ سەر ئێران.

وێنەگەورەکە: دەزگای هەواڵگریی ئەمریکا هۆشداری داوە لەوەی ئیسرائیل لە چەند مانگی داهاتوودا هێرشی پێشوەختە بۆ سەر دامەزراوە ئەتۆمییەکانی ئێران دەکات، ئەمەش هەنگاوێکە گرژییەکانی ڕۆژهەڵاتی ناوەڕاست زیاتر دەکات .

ئەوەی لەو بارەیەوە دەگوترێت: بەپێی گوتەی بەرپرسانی ئێرانی ئەم هێرشەی ئیسرائیل لە کاتێکدایە کە ئەو وڵاتە ئێستا لە لاوازترین کاتی خۆیدایە بەهۆی لاوازبوونی هاوپەیمانەکانی لە ناوچەکەدا و هەوڵەکانی ئێران بۆ گەیشتن بە چەکی ئەتۆمی.

زانیاریی زیاتر: بەرپرسانی ئیسرائیل بیر لە دوو بژاردەی سەرەکی دەکەنەوە بۆ هێرشکردن، یەکەمیان ئەوەیە ئیسرائیل بە مووشەکی بالیستی لە دەرەوەی ئاسمانی ئێران هێرش بکاتە سەر دامەزراوە ئەتۆمییەکان کە ئەمە مەترسی بۆ سەر فڕۆکە ئیسرائیلییەکان کەم دەکاتەوە، دووەمیان فڕۆکە ئیسرائیلییەکان دەچنە ناو ئاسمانی ئێرانەوە بە بۆمب هێرش دەکەنە سەر دامەزراوە ئەتۆمییەکان ئەمەش  مەترسیدارترین بژاردەیە.