پاپای ڤاتیکان ڕەوانەی نەخۆشخانە کرایەوە

ئاڤا نیوز

پاپا فڕانسیس، پاپای ڤاتیکان و ڕێبەری کاتۆلیکەکانی جیهان، جاریکی دیکە ڕەوانەی نەخۆشخانە کرایەوە و لەوێ خەوێنرا.

ڕاگەیێنراوی فەرمی: بە گوێرەی ڕاگەیێنراوی ڤاتیکان، پاپا بۆ پشکنینی پزیشكی و وەرگرتنی چارەسەر بۆ نەخۆشیی هەوکردنی بۆرییەکانی هەناسەی لە نەخۆشخانە دەمێنێتەوە.

ئەوەی پێویستە بیزانیت: پاپا فرانسیس لە کاتی گەنجیدا بەشێک لە سییەکانی لێکراوەتەوە و پێشتریش کێشەی تەندرووستی هەبووە، بە تایبەتیش لە وەرزی زستاندا کێشەی هەوکردنی سییەکانی هەبووە. 

ئەمەش بزانە: پاپا فرانسیس تەمەنی 88 ساڵە و لەسەر کورسیی تایەدار دادەنیشێت. بەم دوواییانەش بە هۆی بەربوونەوەی دەست و چەناکەی بریندار بوو.