ڕۆژی شەممە سێ بارمتەی دیکەی ئیسرائیل ئازاد دەکرێن

ئاڤا نیوز

بزووتنەوەی حەماس ڕایگەیاند سبەینێ سێ بارمتەی دیکە لە ڕێگەی ڕێکخراوی خاچی سووری نێودەوڵەتیەوە ڕادەستی ئیسرائیل دەکرێنەوە.

وێنە گەورەکە: ئازادکردنی بارمتە ئیسرائیلیەکان و زیندانیانی فەڵەستینی یەکێکە لە مەرجەکانی ئاگربەستی نێوان ئیسرائیل و حەماس و بە سێ قۆناغ جێبەجێدەکریت، لە قۆناغی یەکەمدا 16 ئیسرائیلی لە بەرامبەر سەدان هاوڵاتی فەڵەستینی ئازادکراون و بڕیار وایە لە چوارچێوەی ئەم قۆناغەدا 33 بارمتەی ئیسرائیلی لە بەرامبەر 700 هاوڵاتی فەڵەستینی ئازاد بکرێن.

لێدوانی فەرمی: دەیڤید مێننسەر، وتەبێژی حکومەتی ئیسرائیل ڕایگەیاند: ئەو سێ بارمتانەی سبەینێ شەممە ئازاد دەکرێن ناسنامەیان دەستنیشان کراوە و دوو لە بارمتەکان هاوڵاتی ئەمریکی و ڕووسین.

لە لایەکی دیکەوە: بزوتنەوەی جیهاد ڕایگەیاندووە ئەلکساندەر توربانۆڤ کە هاوڵاتیەکی ڕووسیە سبەینێ شەممە لە چوارچێوەی پرۆسەی ئازادکردنی بارمتەکان ڕادەستی ڕێکخراوی خاچی سووری نێودەوڵەتی دەکرێتەوە.