پەرلەمانی عێراق چەند پڕۆژە یاسایەکی گرنگ دەخاتە دەنگدانەوە

ئاڤا نیوز

بڕیارە پەرلەمانی عێراق چەند پڕۆژە یاسایەکی گرنگ بخاتە دەنگدانەوە و خوێندنەوەی یەکەمیش بۆ چەند پڕۆژە یاسایەکی دیکە دەکات. 
 
ڕاگەیێنراوی فەرمی: نووسینگەی پەرلەمانی عێراق ڕایگەیاند، بڕیارە ڕۆژی یەکشەممە کاتژمێر 01:00ـی پاش نیوەڕۆ، پەرلەمانی عێراق کۆببێتەوە بۆ دەنگدان لەسەر پرۆژەی یاسای بنەماکانی هاوتابوونی بڕوانامە و پلەی زانستی عەرەبیی و بیانی، هەروەها پڕۆژە یاسای دووبارە کارکردنەوە بەسیستمی هەوڵدان لە پەروەردەدا.

 

- هاوکات بڕیارە خوێندنەوەی یەکەمیش بۆ یاسای ئەنجوومەنی یەکگرتوو و پڕۆژە یاسای پاسپۆرت وهەمواری دووەمی یاسای موختاری بکرێت.

 

لێدوانی فەرمی: باقر ساعدی ئەندامی لیژنەی یاسایی پەرلەمانی عێراق ڕایگەیاند: چەندین یاسای هەڵپەسێردراو هەیە، پێویستە پەرلەمان لەم خولەی ئێستای پەسەندی بکات، بۆ ئەو مەبەستەش دانیشتنەکانی پەرلەمان چڕ دەبێتەوە و کۆمەڵێک یاسا لە ماوەی هەفتەی داهاتوو دا پەسەند دەکرێت.

 

-  تەنیا لە لیژنەی یاسایی 17 پڕۆژە یاسا لە دانیشتنەکانی داهاتوودا دەخرێنە نێو کارنامەی پەرلەمانەوە، ئەگەر فراکسیۆنە سیاسییەکان ڕێگری نەکەن، ئەوا لە دوو دانیشتندا دەنگ لەسەر هەموویان دەدرێت.