ترەمپ: ڕێگەدەدەین هەنگاریا نەوتی ڕووسیا بکڕێت

ئاڤا نیوز

لە کۆشکی سپی سەرۆکی ئەمریکا لەگەڵ سەرۆکوەزیرانی هەنگاری کۆبوویەوە و بەڵێنی پێدا لە سەپاندنی سزاکانی سەر ڕووسیا هاوکاری هەنگاریا بکەن، تاوەکو بتوانن نەوتی ڕووسیا بکڕن.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، هەنگاریا بۆ ئەوەی نەوت و غازی دەستبکەوێت ڕووبەڕووی سەختیی بووەتەوە، چونکە بەندەری ئاوی نییە و ناتوانێت جگە لە ڕووسیا لە وڵاتانی دیکە نەوت بکڕێت، هەوڵ دەدەین سزاکانی سەر ڕووسیا ئەو وڵاتە نەگرێتەوە.

بۆچوونی لایەنی بەرامبەر: ڤیکتۆر ئۆربان، سەرۆکوەزیرانی هەنگاریا ڕایگەیاند، بەهۆی ئەوەی بەندەری ئاویمان نییە پێویستمان بەوەیە بۆ دەستخستنی نەوت و غاز سوود لە ڕووسیا ببینین.

ئەوەی پێویستە بیزانیت: هەنگاریا کڕیارێکی سەرەکی نەوت و غازی ڕووسیایە لە ئەوروپا، بەجۆرێک بە ڕێژەی 95%ـی غازی سروشتی و 92%ـی نەوت لە ڕووسیا دەکڕێت.