ئەنجوومەنی وەزیران دامەزراندنی یەکەمەکان و هەڵگرانی بڕوانامە باڵاکانی پەسەند کرد

ئاڤا نیوز

ئەنجوومەنی وەزیرانی عێراق ڕەزامەندی دەربڕی لەسەر یەکلاییکردنەوەی دامەزراندنی یەکەمەکان و هەڵگرانی بڕوانامەی باڵا لە شارەکانی عێراق و ناوچە کوردستانییەکانی دەرەوەی هەرێمی کوردستان.

 

وێنە گەورەکە: پرۆسەی دامەزراندنی یەکەمەکان و هەڵگرانی بڕوانامە باڵاکان لە عێراق بەردەوامە و ساڵانە هەزاران دەرچوو و خاوەن بڕوانامەی باڵا دادەمەزرێنرێن.

 

ڕاگەیێنراوی فەرمی: نووسینگەی ڕاگەیاندنی ئەنجوومەنی وەزیرانی عێراق ڕایگەیاند: ئەنجوومەنی وەزیران ڕەزامەندی دەربڕی لەسەر یەکلاییکردنەوەی دامەزراندنی یەکەمەکان و هەڵگرانی بڕوانامەی باڵا کە کۆی گشتییان پێنج هەزار و 903  کەسە و لە بودجەکانی پێشوودا پەسەندکراون.

 

ئەوەی پێویستە بیزانیت: بۆ دامەزراندنی سێ یەکەمەکان و هەڵگرانی بڕوانامەی باڵا لە هەرێمی کوردستان، ڕۆژی 9-1-2025 کۆبوونەوەیەک لە نێوان وەزیرى خوێندنى باڵا و توێژینەوەى زانستیی هەرێمی کوردستان و سەرۆکى ئەنجوومەنى ڕاژەى عێراق ئەنجامدرا و بڕیاردرا ڕێکارە یاسایی و کارگێڕی و تەکنیکییەکانى نێوان لایەنە پەیوەندیدارەکانی هەردوولا بۆ جێبەجێکردنی بڕیارەکە و سوودوەرگرتن لە توانای دەرچووەکان خێراتر بکرێت.