ترەمپ پێشنیازی هەڵبژاردن بۆ ئۆکراینا دەکات

 

 

ئاڤا نیوز

دۆناڵد ترەمپ دەڵێت ئۆکراینا پێویستی بە ئەنجامدانی هەڵبژاردن هەیە بۆ گەیشتن بە ڕێککەوتنی ئاشتی لەگەڵ ڕووسیا.

چیرۆکی سەرەکی: ڕۆژی سێشەممە کۆبوونەوەی نێوان وەزیرانی دەرەوەی ئەمریکا و ڕووسیا سەبارەت بە شەڕی ئۆکراینا لە ڕیازی پایتەختی سعودیە بەڕێوەچوو،  چەند کاتژمێرێک پاش یەکەم گەڕی وتووێژەکانی نێوان واشنتن و مۆسکۆ سەرۆکی ئەمریکا پێشنیاری هەڵبژاردنی بۆ ئۆکراینا هەبوو.

ڕاگەیێنراوی فەرمی: سەرۆکی ئەمەریکا دۆناڵد ترەمپ بە پەیامنێرانی ڕاگەیاند:

٠ زۆر نائومێدم لەوەی ئۆکراینا کورسی نەبووە لە وتووێژەکانی ڕیاز و دەبێت هەڵبژاردن لە ئۆکراینا ئەنجام بدرێت بۆ گەیشتن بە ڕێککەوتنی ئاشتی لەگەڵ ڕوسیا.

٠ زێلێنسکی تاوانباری دەستپێکردنی جەنگە، ئێوە سەرکردەیەکتان هەیە لە ئۆکراینا کە ڕێگەی داوە شەڕێک ڕووبدات کە نەدەبوو ڕووبدات.

٠ ماوەیەکی زۆر بەسەر دوایین هەڵبژاردن لە ئۆکراینا تێپەڕیووە بۆیە هەڵبژاردنی ئۆکراینا شەڕی نێوان دوو وڵات کۆتایی پێدەهێنێت.

٠ ئۆکرانیا دەیەوێت کورسییەک لە دانوستانەکان بەدەست بهێنێت، بەڵام ئایا نابێت خەڵک بڵێن ماوەیەکی زۆرە بەسەر هەڵبژاردنی پێشوویاندا تێپەڕیوە؟

زانیاری زیاتر: ڤۆلۆدیمێر زێلێنسکی، سەرۆکی ئۆکراینا، ڕەخنەی لە بەڕێوەچوونی کۆبوونەوەکەی سێشەممەی ڕیاز گرت بەوەی بە بێ بەشداری لایەنی ئۆکراینی کراوە، ئەمە لە کاتێکدایە کە بابەتی کۆبوونەوەکە پەیوستە بووە بە شەڕی ئۆکراینا.