میسر میوانداری لوتکەی عەرەبی سەبارەت بە غەززە دەکات

 

 

ئاڤا نیوز

وڵاتی میسر میوانداری لوتکەی بەپەلەی عەرەبی سەبارەت بە پێشهاتەکانی پرسی فەڵەستین لە مانگی سێی ئەمساڵ بەڕێوەدەچێت.

چیرۆکی سەرەکی: بڕیاربوو لوتکەی بەپەلەی عەرەبی لە 27ـی ئەم مانگە لە قاهیرەی پایتەختی میسر بەڕێوەبچێت، بەڵام بەهۆی ڕەچاوکردنی  خشتەی کاری سەرکردەکان دواخرا بۆ چواری مانگی داهاتوو بۆ ئەوەی زۆرترین سەرکردەی وڵاتان بەشداربن بۆ تاوتوێ کردنی پرسی فەڵەستین.

ڕاگەیێنراوی فەرمی: حسام زەکی، یاریدەدەری سکرتێری گشتیی کۆمکاری عەرەبی ڕایگەیاند:

٠ لوتکەکە بۆ خستەڕووی پلانێکی عەرەبییە سەربارەت بە کەرتی غەززە و ڕەتکردنەوەی پێشنیازەکانی دۆناڵد ترەمپ، سەرۆکی ئەمریکایە بۆ ئاوارەکردنی هاووڵاتییانی فەڵەستینی بۆ میسر و ئوردن.

٠ میسر پێشنیارێک دەخاتەڕوو کە تیشک دەخاتە سەر ئاوەدانکردنەوەی کەرتی غەززە و ڕەخساندنی هەلی کار بۆ هاووڵاتییانی فەڵەستین.

قووڵتر: بەڕێوەچوونی ئەم لوتکەیە لە کاتێکدایە کە ئەمریکا پێشنیازی ئەوەی کردووە هاووڵاتییانی کەرتی غەززە ئاوارەی وڵاتانی میسر و ئوردن بکرێن و کەرتەکە لەلایەن ئەمریکاوە بەڕێوەببرێت بە بیانووی ئاوادانکردنەوە و ڕەخساندنی هەڵی کار بۆ دانیشتووانی.