مێتا لایڤەکانی فەیسبووک دەسڕێتەوە

ئاڤا نیوز

بە گوێرەی بڕیارێکی کۆمپانیای مێتا ڤیدیۆ ڕاستەوخۆکانی فەیسبووک (live)، مانگێک بەردەست دەبن، بەڵام دوای ئەم ماوەیە، ڤیدیۆیەکە بەشێوەیەکی ئۆتۆماتیکی دەسڕێنەوە.

وێنە گەورەکە: کۆمپانیای مێتا گۆڕانکاری لەسەر لایڤەکانی فەیسبووک دەکات بە بیانووی ئەوەی لایڤەکان دوای تەواوبوونی لایڤەکە و بڵاوبوونەوەیان بینەریان کەم دەبێتەوە یان هەر بینەریان نابێت، بۆیە بڕیاری داوە ڤیدیۆی لایڤەکان دوای 30 ڕۆژ ڕاستەوخۆ بسڕێتەوە.

ڕاگەیێنراوی فەرمی: پلاتۆفۆڕمی کۆمپانیای مێتا ڕایگەیاند:

- ڤیدیۆ ڕاستەوخۆکانی فەیسبووک، دوای تەنها 30 ڕۆژ بەردەست دەبن، بەڵام دوای ئەم ماوەیە، ڤیدیۆیەکە بەشێوەیەکی ئۆتۆماتیکی دەسڕێنەوە.

- ئەم گۆڕانکارییە لە 19-2-2025  دەستپێدەکات و بەکارهێنەران دەتوانن ڤیدیۆی ڕاستەخۆ (live) داببەزێنن و سەیری بکەنەوە و بۆ کەسانی دیکە بینێرن، هەروەها پێش سڕینەوەی ڤیدیۆیەکە، بەکارهێنەران ئاگادار دەکرێنەوە لەوەی ئەگەر ویستیان، دەتوانن ڤیدیۆیەکە داببەزێنن یان بۆ شوێنێکی دیکە بۆ دەرەوەی فەیسبووک بینێرێت بەمەبەستی هێشتنەوەی، بەڵام ماوەی 90 ڕۆژ مۆڵەتت هەیە، دوای ئەم ماوەیە، ئەم بژاردەیە نامێنێت.

هۆکارە زانراوەکان: مێتا هۆکاری ئەم گۆڕانکارییە بۆ ئەوە دەگەڕێنێتەوە کە بەشی هەرە زۆری بینەرەکانی ڤیدیۆی ڕاستەخۆ تەنها لە چەند هەفتەی سەرەتادا بوونی دەبێت و دواتر ڤیدیۆییەکان بینەرێکی زۆر کەم، یان بینەریان هەر نامێنن.